Kapin 227 ka mga violators ang nagkaladakpan umpisa nagsugod ang ‘No Helmet, No Driving’ ordinance sa siyudad sang Roxas.
Ini ang ginpahayag ni Mr. Gonzalo Andrada Jr., hepe sang Traffic Management Unit sang mainterview sang Brigada News FM.
Suno kay Andrada, 129 ang gin-impound samtang 98 naman ang nagkaladakpan nga driver sang motorsiklo nga wala sang lisensya.
Dugang pa sini, nga indi nila gusto mangdakup bangud ang labing una nga mandato sang TMU amo ang pagmanehar sang trapiko apang kun padayon nga wala nila ginasunod ang layi sa dalan nagakadapat na suno sa iya nga dakpon ang mga ini.
Panugyan naman ni Andrada, tumanon lang sang mga pumuluyo ang ordinansa may kaangtanan sa traffic para indi madakpan sang enforcer.
