LEGAZPI CITY – Magigin pambato kan probinsya kan Albay an Cagsawa Festival kan Daraga sa papaabot na Aliwan Fiesta sa Pasay City.
Para ini sa street dance competition kun sain igwang manlain-laing partisipantes gikan sa nagkapirang lugar sa Pilipinas na mabida kan saindang festival arog kan Lakbayaw Festival kan City of Manila, Panagbenga Flower Festival kan Baguio, Niyogyugan Festival kan Pagbilao, Quezon, Kaogma Festival kan Baao, Camarines Sur, Sinulog Festival kan Cebu asin iba pa.
An Aliwan Fiesta iyo an tulong aldaw na selebrasyon puon Hunyo 27 sundo 29 nganing pagsararuon an pambato gikan sa sain man na parte kan nasyon mantang an nagkapirang kompetisyon digdi iyo an float competition asin festival queen search na pig-aapod na Reyna ng Aliwan.
