LEGAZPI CITY – Pinunan nang pinturahan an parte kan kahalabaan kan Busay Bridge sa Daraga sa paagi kan pagbubukas kan mural painting competition katakod kan selebrasyon kan Cagsawa Festival 2024.
Maabot sa 18 mga pintor an nagpartisipar sa aktibidad gikan sa manlain-laing parte kan rehiyon.
Mientrastanto, sa paagi kaini, saindang ipinapahiling an sadiring pagkasabot sa tema kan selebrasyon na “Daraga’s Legacy: 300 years of culture and history.”
Piglalaomang matatapos an kompetisyon sa Pebrero 22.
