SORSOGON CITY – Isa ang bayan ng Bulusan, Sorsogon sa rehiyong Bicol na may pinakamataas na performance rating sa katatapos na National Vaccination Day drive laban sa Covid-19.
Ayon sa ahensya, nakapagrehistro sila ng kabuuang 635,459 na nabakunahan na mga indibidwal sa panahon ng “Bayanihan Bakunahan’’ noong Nobyembre 29 hanggang Disyembre 1.
Maliban sa bayan ng Bulusan, tinukoy din ng ahensya ang mga LGUs na umabot sa mahigit 100% ang vaccination rate, kinabibilangan ito ng lungsod ng Legazpi, munisipalidad ng Bagamanoc, Baras, Gigmoto at Panganiban sa Catanduanes at Cabusao, Camarines Sur.
Sa lalawigan naman ay naitala ng Catanduanes ang 92% performance rate; sinundan ito ng Camarines Sur, 61%; Albay, 56%; Sorsogon, 55%; Camarines Norte, 46% at Masbate, 39%.
