Building it Museo it Akean, planong ideklara bilang Important Cultural Property of the Philippines

Planong i-nominate para madeklara ro building it Museo it Akean sa banwa it Kalibo bilang Important Cultural Property of the Philippines.

Raya hay base sa Proposed Draft Resolution No. 736 nga gin-author ni Sangguniang Bayan Member Phillip Yerro Kimpo Jr.  

Sa ginpatigayun nga 63^RD Regular Session it Sangguniang Bayan it Kalibo, ku nagtaliwan nga dag on hay nag abot eon sa 141 years old ro edipisyo kung siin makita ro Museo it Akean nga mas kilaea sa “Escuelahan it Hari”.

May historical significance eon segun ro edipisyo sa banwa it Kalibo ag bilog nga probinsya it Aklan, ngani dapat eang nga madeklara raya nga Important Cultural Property of the Philippines kaparehu it pilang building ag istruktura sa nasyun.

Sa makarun, ro Museo it Akean building hay kaeakip eon sa Cultural Mapping ag na-nominate eon sa National Commission for Culture and the Arts (NCCA) sa kung paano ro proseso para opisyal nga madeklara ro building it Museo it Akean bilang cultural pride of the Philippines. // ANN DESLENE SALAZAR

BNFM Kalibo