Indi na mawad-an sang bugas ang mga pumuluyo sang syudad matapos gin-aprubahan na sa City Council ang “Bugas para sa Taga-Roxas Ordinance.”
Buot silingon mangin institutionalize na ang paghatag sang bugas nga kabahin man sang social services program sang City government. Mangin benepisyaryo diri ang mga indigent families nga wala sang trabaho kag manubo lamang ang kita kada bulan. Ang nasambit nga ordinansa ang gin-author kag ginduso ni City Councilor Gary Potato.
Matandaan, nagsugod ang pagpanagtag sang bugas sadtong kasagsagan sang pandemya kun sa diin nakapiyan-piyan ini sa kinahanglanon sang mga pumuluyo nga nadulaan sang trabaho. | Judy Ann Juare
