GISAKA sa local government sa GenSan ang budget alang sa 2024 Tuna festival dungan sa gipangandamang mga dagkong aktibidad.
Matud ni Joey Concepcion, Executive Assistant sa City Mayor’s Office naa sa P15 milyon ang pondo sa LGU alang sa festival.
Taas kini tandi sa P9 milyon nga budget sa festival nakalabay’ng tuig.
Giangkon usab ni Concepcion nga luyo usab sa ipatuman nilang kabag-ohan.
Sama sa pagwala karong tuiga sa float parade ug usa sa mga highlight sa Tuna festival kaniadto nga Fish Fest sa Fishport complex.
Gisaad niini ang engrande nga selebrasyon sa ika-26 katuig nga Tuna festival sama sa pagdala og big star alang sa mga concert.
Lakip ang pagpalapad sa iladong Sugbahan sa Dalan, asa gilaoman nga naa sa tons nga isda ang ilaray sa Pioner Avenue. Luyo niini, gisiguro ni Concepcion nga importansiya sa mga mananagat dungan sa selebrasyon nga rason sa pag-ila sa GenSan isip Tuna capital sa Pilipinas.
Samtang, mokabat usab sa 1,000 police personnel, kasundalohan ug uban pang force multiplier ang ipakatag sa mga venue’s sa event. I Richel Gubalani
