TANGGONG pa sa buhatan sa mayor ang tanang purchase requests nga ibayad sa mga hotels, inns ug pension houses nga gigamit isip Covid-19 isolation ug quarantine facilities.
Matud ni Philip Pabelic, executive assistant sa City Mayor’s Office (CMO) sa pagtambong niini sa sesyon sa konseho Martes sa buntag.
Dunay gipasar nga resolusyon ang Special Bids and Awards Committee, asa gi-naindorso nga ibalikt sa CMO ang tanang budget requests ug process payments sa mga giutangan nga mga pasilidad.
Alang sa tuig 2020, dunay unpaid obligation ang LGU nga kapin kulang P300,000 sa mga hotels.
Karong tuiga, mihangyo sila og “augmentation” gikan sa City Disaster Risk and Management Office (CDRRMO) nga P11-milyon atong Enero ug P3.4-milyon atong Marso nga karon pabiling tanggong ang pondo.
Dugang ni Pabelic, wala siya’y mahimo bisan paman buot niyang mobayad tungod dunay matud pay ginasunod nga legalidad sa pagpagawas og pondo.
Una nang, gibutyag ni Konsehal Franklin Gacal Jr., nakita niya nga ‘malabo’ nang mabayaran ang mga pasilidad rason sa pag-awhag niya sa mga tigdumala nga mopasaka na lang og kaso.
