KALIBO, AKLAN — Nagpa-record sa Kalibo PNP ro duty operator it DATEM Water Inc., sa Tinigaw Pumping Station sa banwa it Kalibo.
Raya hay matapos segun nga ginhaboy ro bubong it nasambit nga water-filtration facility.
Sa reklamo ni Mark Tiongson nga taga Brgy. Aglucay, Makato, Aklan, imaw ro naka-duty nga operator it mga oras ngato.
Samtang sa C.R segun imaw hay nabatian nana ro mabaskug nga eagapok sa bubong nga matsa hinaboy it bato, pero sa pagguwa nana hay owa imaw it nakitang tawo.
Posible segun nga may naakig kana sa kada ginapaandar nana ro generator sa nasambit nga pasilidad rasun nga ginpakamayad nga iparecord nana ro insidente sa kapulisan. / ANN DESLENE SALAZAR
