LEGAZPI CITY – Nakaguno nin 100% overall passing rate sa May 2024 Philippine Nurses Licensure Examination an Bicol University Tabaco asin Polangui Campus.
Basado ini sa ipinaluwas na resulta kan Professional Regulations Commission, kun sain, pasado an limang mga nag-take; saro digdi sa Tabaco mantang apat sa Polangui Campus.
Mientrastanto, an Bicol University Legazpi City, nakakua nin 87.50% overall passing rate sa kaparehong eksaminasyon kun sain pito sa walong takers an nakapasar.
