LEGAZPI CITY – Nakaguno nin 84.62% passing rate an Bicol University sa October 2023 Electronics Technicians Licensure Examination.
Basado ini sa ipinaluwas na resulta kan Professional Regulation Commission (PRC) kun sain 11 alumni kan unibersidad an nakapasar.
Sa bilog na nasyon nasa 1,366 hale sa 1,858 an nakapasa sa naunambitang eksaminasyon na ugwang 73.52% national passing rate.
Mientrastanto, nakakua man nin 38.89% an parehong unibersidad sa Electronics Engineers Licensure Examination.
Basado sa datos kan PRC, 7 alumni hale sa naunambitang unibersidad an nakapasar, kasabay ini sa nasa 33.36% na national passing rate o 842 hale sa 2,524 na numero kan mga nakapasar.
Sa ngunyan, segun sa naunambitang unibersidad, sainda ining ikinakaugma huli ta dakula ining onra para sa sainda.
