LEGAZPI CITY – Ikinaogma kan Commission on Elections (COMELEC) Bicol an nagin sitwasyon sa banwaan kan Libon, Albay sa mismong aldaw kan eleksyon sa barangay asin Sangguniang Kabataan kan nakalihis na Lunes.
Namantenir kaya sa banwaan an pace orden sa irarom kan COMELEC control.
Segun ini kay COMELEC Bicol Regional Director Atty. Ma. Juana Valeza, kun sain sinabi niya na nakatabang nin gayo an pagsairarom digdi sa COMELEC control nganing magin matoninong asin makampante an mga residente o botante sa eleksyon.
Presente duman an command center asin nag-deploy man ki mga tropa.
Apwera kaini, nagpautob man nin curfew sa bilog na banwaan kaya nagin marhay an sitwasyon.
Mientrastanto, an curfew na nakatalaan magtapos sa Nobyembre 10, subject for reassessment segun kay Valeza huli ta kun dai naman na su boot kaipuhan, ire-recall na ninda ini.
