Posible nga mapasakaan sang kaso ang Barangay and Sangguniang Kabataan Election (BSKE) supporters nga madakpan nga nagapusta-anay sa madaog nga mga kandidato sa ila barangay.
Ini ang ginklaro ni Atty. Wil Arceño sa ginpatigayon nga PIA KAPIHAN: BSKE UPDATES AND “KONTRA BIGAY” CAMPAIGN kaupod ang COMELEC kag NBI sang tinalikdan nga Huwebes, Oktubre 12 sa isa ka dako nga Mall sa Arnaldo Blvd., Roxas City.
Suno kay Arceño, ginakabig ini nga isa ka election offense sandig sa Omnibus Election Code Article XXII, Section 261, Wagering upon results of Election – kun sa diin nakasaad diri nga ginabawal gid ang pustaanay sa kag kun sin-o man ang madakpan mahimo nga arestuhon sang mga katapo sang law enforcement agencies.
Mahimo nga i-file ang reklamo sa National Bureau of Investigation may kaangtanan sa nasambit nga isyu. | Judy Ann Juare
