Gin-blessingan kag gin-inagurahan na ang bag-o nga OB-OBFU Bayanihan Building sang Capiz Police Provincial Office, subong nga adlaw sang Huwebes, Oktubre 11.
Ini ang ginpangubahan ni Police Regional Director PBGEN Sidney N. Villaflor kag Capiz Police Provincial Director PCOL Jerome D. Afuyog Jr.
Nagtambong sa nasambit nga kahiwatan si Mayor Ronnie Dadivas, kun sa diin iya ginpanginbulahan ang mga kapulisan sa pagpanikasog nga matuman ang nasambit nga proyekto agud makabulig sa pagpasangkad sang ila operasyon kag serbisyo sa komunidad.
Ang bag-o tukod nga edipisyo ang nahuman bangud man sa bulig kag suporta sang nagkalain-lain nga ahensya sang gobyerno kag LGU’s nga ginapasalamatan naman sang kapulisan. | Judy Ann Juare
