KALIBO, AKLAN—Ginataw-an it pagkilaea it Philippine Red Cross Aklan Chapter do DYKY 89.3 Brigada News FM Kalibo sa ginapatigayon nga Annual Blood Donors Recognition.
Do nasambit nga pagpasidungog hay bilang pagkilaea sa radio station sa gintao kara nga nagakaigo nga serbisyo sa pag-promote it Blood Service sa tiyempo it pandemiya.
Mag-eowas sa Brigada News FM Kalibo, gintaw-an man it pagpasaeamant it PCR Aklan do mga LGU’s, non-local government units ag do tanan nga aktibong nagasuporta sa National Voluntary Blood Services Program agud nga masiguro nga may una nga bastante ag eowas nga suplay it dugo sa probinsya it Aklan.
Do Brigada News FM hay naghiwat it blood letting activity nga gintawag nga “Dugo para sa KaBrigada” ku nagtaliwan nga buean it Abril kun sa siin may una nga 70 nga successful blood donors. // SHERRY ANNE REUNIR-VIDAL
