GINADUSO gayud ni Brigada Elmer V. Catulpos ang insaktong urban planning alang sa GenSan.
Matud niini kaniadtong siya pa ang nagdumala sa General Santos City Chamber of Commerce and Industry Incorporated mao na gayud ang iyang kanunayng ginaduso ug gihangyo sa LGU ug nalipay usab kay bisan karon ang mga gadumala sa GenSan Chamber, consistent sa pagduso sa maong plano.
Alang kang Brigada Elmer, kinahanglan una nga mobase ang urban planning sa kung unsa ang economic driver sa GenSan, sama sa fishing ug sa uban pang sector sa turismo, BPO ug manufacturing.
Tun-an usab ang tibuok syudad, lakip ang physical terrain aron mahimo ang maayong drainage system ug uban pa.
Sama matud pa sa balay, kung unsa kini sa paggama naga-reflect usab sa personality sa nagpuyo niini sama sa iyang gustong buhaton sa GenSan nga gustong i-market kini sa kalibutan pinaagi sa GenSan Dream.
Gusto usab sa Ama ng Brigada nga himuong branding sa Gensan ang “A lovely city, where everything is lovely” asa lakip sa pagtagad ngadto sa mga turista ug sa tanan ang mahimong maayo ug maanindot ang tanan alang sa GenSan.
