MASALIGON si Brigada Elmer V. Catulpos sa vision niini pinaagi sa GenSan Dream nga dunay matuman sa kasamtangang henerasyon.
Kini tungod sa katikaran sa Indonesia nga pagbalhin niini sa ilang bag-ong capital city ngadto sa Nusantara sa East Kalimtan gikan sa Jakarta.
Sigun ni Brigada Elmer nga ang GenSan ang pinakaduol sa Nusantara ug nagtuo nga sa higayon nga mugnaon na ang maong bag-ong national capital, ang GenSan ang mabulahan.
Mahimong potential market ang GenSan sa new capital sa Indonesia tungod adunay international airport ug seaport ang syudad nga sarang magamit ug mabulahan usab ang mga small and medium nga negosyo ingon man sa mga professionals nga makatrabaho usab sa Nusantara.
Giangkon sa Ama ng Brigada, nga wala kini nasipyat sa iyang ginapaambit nga GenSan Dream tungod sa maong development, nga mahimo unyang exporter hub ang GenSan kay mas duol kini sa maong tukuron nga new capital sa silingang nasud.
Nasayran nga nahimo nang hingpit nga balaod sa Indonesia ang pagbalhin sa ilang bag-ong capital sa Nusantara nga gigahinan og 32.5 billion US dollars ug gilaumang mahuman ang pag-construct sa tuig 2024.
