Arestado ang isang incumbent Barangay Kagawad sa anti-illegal drugs operation sa Brgy Tanque, Pio V Corpuz, Masbate, matapos ito makuhanan ng 50 gramo ng hinihinalang shabu.
Ayon sa Pio V Corpuz Police, ang suspek ay si Leandro Daligdig Batuto alias Yan Yan, 33-anyos.
Inaresto ang suspek sa pamamagitan ng implementasyon ng search warrant sa Sitio Sanggutan sa nasabing barangay dahil sa pagmamay-ari ng iligal na droga.
Si Batuto umano ay isang high-value target personality, ayon sa Pulisya.
Nasamsam sa posesyon nito ang 5 large-sized sachet at 5 medium sized sachet na may Dangerous Drugs Board (DDB) value na P340K at dalawang bala para sa kalibre .45 na pistola.
Kahaharapin ng suspek ang kambal na kasong paglabag sa section 5 ng Art II ng RA 9165 o Comprehensive Dangerous Drugs Act of 2002 at paglabag sa RA 10591 o Comprehensive Firearms and Ammunition Regulations Act.
