GITUGYAN sa usa ka miyembro sa Barangay Peacekeeping Action Team kon BPAT gikan sa Barangay Bula ang usa ka armas nga adunay bala ngadto sa Bula Police Station.
Sumala kay Nestor Virallo nga ikatulo na kini ka higayon nga adunay nisalig kaniya nga kaila aron matugyan sa kapulisan ang armas, sa una ug ikaduha nga higayon nag uli siya og kalibre trantay-otso ug sa ikatulo usa ka 12 gauge shotgun nga may tulo ka bala.
Si Virallo, kanhi mananagat nga naga serbisyo sa purok isip kagawad ug miyembro sa BPAT Barangay Bula, nalipay usab daw siya sa pagsalig nga ginahatag kaniya sa naga-uli og armas pinaagi kaniya. I Ver Diazon
