NAKA KUSTODIYA na karon sa Bula Police Station ang usa ka lalaki nga akusado sa kasong New Anti Carnapping Act of 2016 human nga gidakop sa Gensan PNP sa simbahan kung asa kini naga trabaho.
Sumala sa labaw sa Bula Police Station nga si Police Major Ari Noel Cardos nga ilaha gayud gigastohan ang pag-adto sa Iloilo City aron isilbi ang kamandoan sa korte batok kay Decorre Barrita Jr., Mayo 15 sa kasamtangan nga tuig.
Sumala kay Cardos nga adunay nag reklamo nga gikuhaan og motorsiklo unya gibaligya sa Tagum City samtang ang suspek niadto sa Iloilo City.
Abril 16 nigawas ang warrant of arrest batok kay Barrita gikan sa RTC Branch 37 ug migtakda kini og P300,000 pesos nga pyansa alang sa temporaryo nga kagawasan sa akusado.
Sa bahin ni Barrita gipahayag niini nga dili siya maoy nagplano sa pagkuha sa motorsiklo kondili ang iyang higala, giako usab niini nga aduna siyay sayop sa pagkuha sa usa ka motorsiklo nga gipanag-iyahan sa taga Tupi, South Cotabato. I Ver Diazon
