KALIBO, AKLAN—Nagpaguwa it abiso si Kalibo Mayor Emerson Lachica sa tanan ng mga alkalde sa probinsya it Aklan may kaangtanan sa pagabatunon nga travel paas sa tanan nga border control points sa banwa it Kalibo.
Nakabaehag kara nga bangud sa implementasyon it GCQ o general community quarantine sa bilog nga probinsya umpisa Setyembre 8-30, 2021, do kabisera it Aklan hay magapatuman gihapon it “supplementary guidelines” sa andang territorial jurisdiction.
Sa ginpatigayon man sigon nga pueong it Provincial Inter-Agency Task Force hay ginkasugtanan it 17 alkalde nga dugangan do limit sa numero it travel pass nga pagabatunon sa tanan nga border control points pasueod sa Kalibo sa maximum nga 50 travel passes sa kada banwa.
Dugang pa kara, do mga travel pass eamang halin sa Office of the Municipal Mayor ag pirmado andang tagsa ka mga alkalde do pagabatunon it Kalibo Border Control Management Teams. // SHERRY ANNE REUNIR-VIDAL
