KALIBO, AKLAN—Ginkalipay it mga negosyante sa probinsya it Aklan do pagpaeawig it business hour.
Raya hay kasunod it pagpaidaeom sa probinsya sa GCQ ukon general community quarantine.
Kung dati hay hasta alas-5 it hapon eang ginapasugtan nga bukas do mga establishemento, makarun hay gin-obra raya nga hasta it alas-7 it gabii.
Suno man sa pilang negosyante nga ginpakipag-angutan it Brigada News FM Kalibo, mabahoe nga bulig raya kanda agud nga makabawi sa andang lugi kung siin ku nagtaliwan nga buean nga una sa MECQ do Aklan, do ibang negosyo hay nagsara, do iba man hay nagpanghukas it andang mga empleyado ag may una man nga nagpatupad it work arrangements.
Samtang, ginapasugtan man nga magbukas makarun do mga salon ag barbershop ag puwede man eon do dine-in sa mga restaurant ag iba pang kaean-an sandig sa Executive Order No. 022 Series of 2021. // SHERRY ANNE REUNIR-VIDAL
