Hinimatay ang komedyanteng si Boobay, ‘o Norman Balbuena sa totoong buhay, habang nagho-host ng isang event sa Aparri, Cagayan.
Sa Facebook Live ni Vice Mayor Rene Chan – makikitang nawalan siya ng malay.
Nagpe-perform lang ito, kasama ang kapwa-komedyanteng si Pepita Curtis nang mangyari ang insidente.
Bigla itong tumigil sa pag-awit, at nakita na lang na nakaratay na sa entablado.
Sa hiwalay na Tweet ni Pepita – sinabi niyang matapos ang performance ay ‘OK’ na raw si Boobay at nagpahinga na sa kanilang hotel.
Kung maaalala – hindi ito ang unang pagkakataon na nagpamalas si Boobay ng isang health-related incident sa publiko.
Abril noong nakaraang taon nang makaranas siya ng ‘absent seizure’ sa gitna ng interview niya kay Boy Abunda.