Itinaas na sa heightened alert o blue alert status ang Cordillera Administrative Region dahil sa mga naitatalang kaso ng dengue at posibleng hindi magandang epekto ng hanging habagat.
Inirekomenda mismo ni DOH – CAR Regional Director Ferdinand Benbenen sa Cordillera Regional Disaster Risk Reduction and Management Council ang pagsasailalim sa heightened alert status sa rehiyon.
Kaakibat nito ang pagtiyak ng mga isasagawang monitoring, bio-surveillance at kahandaan sakaling tumaas pa ang kaso ng dengue.
Sa pinakahuling datos ng kagawaran mula Enero hanggang ika-27 ng Hulyo, taong kasalukuyan ay nasa 9, 827 na ang naitalang kaso ng dengue kung saan 169% na mas mataas ito kumpara noong nakaraan taon sa paherong panahon.
Kaugnay nito, sa nasabing bilang ay nasa 19 na pasyente na ang nasawi matapos tamaan ng dengue.
