Matagumpay ang isinagawang BloodLetting Activity ng Nueva Vizcaya Police Provincial Office.
Magkatuwang itong isinagawa ng Provincial Community Affairs and Development Unit kasama ang Nueva Vizcaya Provincial Medical and Dental Team sa pakikipagtulungan ng Blood Bank Section ng Region 2 Trauma and Medical Center.
Isinagawa ito noong Martes sa NVPMDT, Camp Major Saturnino L Dumlao, Bayombong, Nueva Vizcaya. na may temang “Give Blood, Save Lives”.
Lumahok ang mga kapulisan mula sa labing limang himpilan ng pulisya at dalawang Provincial Mobile Force Companies.
Nakalikom ang mga ito ng 35 units o 15,750 cc na dugo na malaking tulong sa mga nangangailangan ng dugo lalo na ang mga kamag anak ng mga PNP Personnel.
