Arestado sa mga sakop sa Sasa Police Station ang usa ka biyudo atol sa drug buy-bust operation, pasado 10:00 sa gabii, Mayo 26, 2024 sa Km 10 Brgy Sasa ning syudad.
Giila sa kapulisan ang dinakpan nga si alyas Bem-Bem, 38 anyos, laborer nga residente sa nahisgutang lugar. Nasikop matod pa ang suspek human kini napalitan og pakete sa gituohang shabu sa pulis nga nagpakaarun ingnung poseur buyer.
Atol sa operasyon, nakuha sab sa nahisgutan ang laing pakete sa shabu ug usa (1) ka unit sa improvised nga armas.
Ang napalit og nakuha nga ginadiling droga, mubalor sa kinatibuk-ang kantidad nga Php37,672.00.
Gikustodiya na karon sa Sasa Police Station ang maong dinakpan ug gi-andam na ang pagpasaka og tukmang kaso batok kaniya.