GINA-FINALIZE pa ang Implementing Rules and Regulations kun IRR alang sa paghatag og birthday cash gift sa mga senior citizens.
Segun ni Celso Mendoza, kanhing labaw sa Office of the Senior Citizens Affairs Office o OSCA GenSan nga kasamtangan maoy Project Development Officer 4 sa maong buhatan nga gilaumang mahuman na on or before May 9 elections ang IRR aron nga kini mapatuman.
Dugang pa ni Mendoza nga lakip nga gina-finalize ang effectivity sa maong cash gift ug sa uban pang mga regulasyon nga gidugang sama sa kinahanglan nga nakapuyo og unom ka bulan dinhi sa GenSan bag-o makadawat sa maong birthday cash gift nga alang sa tanang senior citizens ug may inisyal nga pondo nga P24 million subay sa naaprobahang ordinansa.
Samtang gikumpirma usab ni Mendoza nga nagsugod na ang pagpanghatag og social pension gikan sa national nga mahuman sa Biyernes.
Matud usab niini nga aduna usay ordinance number 28 ang LGU-GenSan alang sa local social pension sa mga senior citizens.
