LEGAZPI CITY – Sa kulungan ang bagsak ng isang binata matapos itong mahuli sa akto ng pagnanakaw sa loob ng tindahan sa Purok 2, Brgy. It-Ba, Manito, Albay.
Kinilala ang suspek na si Mark Angelo Azueta y Daria, 19 anyos na residente Purok 5, Brgy. Bamban.
Ayon sa report, nakatanggap ang Manito MPS ng tawag mula kay Raul Daz y Alvarado, 56 anyos, negosyante tungkol sa pagnanakaw sa kanyang tindahan.
Agad na pinuntahan ng mga otoridad ang lugar at dito naaktuhan ang suspek na nagnanakaw ng pera.
Dahil dito, tuluyan nang inaresto ang suspek.
Agad naman itong dinala sa himpilan ng pulisya para sa kaukulang disposisyon.
