Patay ang isang binata matapos sumemplang sa minanehong motorsiklo bandang alas-nwebe kagabi sa Macadam Road Barangay Riotuba Bataraza, Palawan.
Kinilala ang biktima na si Mensorong Sampanan Saimon, 23 anyos na residente sa Sitio Kayasyasan , Brgy. Rio Tuba.
Sa imbestigasyon ng Bataraza PNP, nawalan umano ng kontrol sa minamanehong Honda XRM motorcycle ang biktima bago ito bumagsak sa sementadong kalsada dahilan ng matinding pinsala niya sa ulo.
Isinugod pa ang biktima sa Riotuba Nickel Foundation Incorporated Hospital ngunit kalauna’y namatay din.
