LEGAZPI CITY – Tiklo ang isang binata matapos magpositibo sa drug buy-bust operation sa Purok 5, Brgy. 49, Bigaa, Legazpi City, Albay.
Kinilala ang suspek na si alyas “Nilo”, 33 anyos at residente ng nasabing barangay.
Ayon sa report, gabi nang arestohin ng kapulisan ang suspek matapos nitong pagbentahan ang poseur buyer ng isang heat-sealed transparent plastic sachet na may laman na hinihinalang “shabu.”
Nasa 0.8g ng shabu ang nakuha ng mga otoridad na nagkakahalagang mahigit sa PHP5,000 at aabot sa PHP3,000 bilang buy-bust money.
Sa ngayon, ang suspek ay nasa kustodiya na ng pulisya para sa kaukulang disposisyon.
