Inihain ni Quezon City Representative Patrick Michael Vargas sa Kamara ang panukalang batas na layong magbigay ng libreng edukasyon para sa mga senior citizens sa bansa.
Sa kanyang House Bill No. 3639 o ang Free Education for Senior Citizens Act, nakasaad na walang babayarang tuition fee ang mga nakatatandang nais makabalik sa pag-aaral.
Sakop ng panukalang ito ang mga senior citizens na planong pumasok sa elementarya, sekondarya, maging sa tertiary at sa mga educational institution na maituturong na pampubliko o pinopondohan ng gobyerno.
Ang lahat ng mga senior citizens na makaka-avail ng nasabing educational program ay kailangan pa rin namang mag-comply sa mga admission requirements ng mga paaralan.
Sa oras na maisabatas, inaatasan ang Department of Education at ang Commission on Higher Education (CHED) na bumuo ng mga panuntunan ukol sa panukala.
#
