OLONGAPO-Umabot na sa limampu katao ang bilang ng mga tinatamaan ng dengue sa lungsod ng Olongapo.
Ito ay simula ng Enero hanggang ngayong buwan ng Hunyo base sa talaan ng Olongapo City Health Office.
Kabilang sa mga barangay na may pinakamataas na bilang sa ngayon ay ang Barangay Sta. Rita na nasa 12 katao, Barangay Baretto na nasa labing isa at Barangay Gordon Heights na may syam.
Ayon sa City Health sa ngayon ay kontrolado pa naman ang bilang ng mga tinatamaan ng dengue dahil agad naman nagsasagawa ng disinfection ang opisina at ang iba naman dito ay gumaling na.
Payo lang ng CHO na panatilihin ang paglilinis tuwing alas kwatro ng hapon para masugpo ang pagdami ng mga lamok na nagiging dahilan ng sakit.//Michelle Lopez-BNFM OLONGAPO
