BNFM BICOL—Inanunsiyo ng Catanduanes Provincial Health Office na umabot na sa kabuuang 315,752 individuals sa islang lalawigan ang bakunado na kontra COVID-19.
Batay sa pinakahuling tala ng tanggapan as of December 23, 2021, 187,764 na mga indibidwal o 82% ng current target population ang naturukan na ng first dose ng bakuna habang nasa 127,988 individuals naman o 56% ng current target population ang fully vaccinated na kabilang ang mga naturukan ng one shot Janssen COVID-19 vaccine.
Bunsod nito, nasa 47% na ng kabuuang target population sa Catanduanes ang nabakunahan na kontra sa naturang sakit habang nasa 4,345 naman ang mga naturukan na ng booster shot.
Kaugnay nito patuloy naman ang paalala ng PHO sa publiko na makiisa sa nagpapatuloy na bakunahan sa islang probinsya dahil medyo malayo-layo pa ang agwat na kailangang habulin upang tuluyang makamit ang ‘herd immunity’ mula sakanilang target na 228,180 fully vaccinated individuals sa nasabing lalawigan.###
