Pumalo na sa higit isang milyon ang nagsumite ng voter’s registration form para makaboto sa 2025 local and national elections.
Sa pinakahuling tala ng Commission on Elections, nasa 1,027,572 na ang nagsumite ng kanilang aplikasyon upang maging rehistradong botante.
Ang nasabing datos ay mula ika-12 ng Pebrero hanggang ika-6 ng Marso kung saan naitala sa CALABARZON ang pinakamaraming registration.
Inaasahan naman ng COMELEC na aabot sa 3 milyong Pilipino ang mag-aaply upang maging botante bago ang deadline ng registration pagsapit ng katapusan ng Setyembre ngayong taon.
