Naiulat ng Philippine National Police na pumalo sa 370 ang bilang ng mga naarestong indibidwal na lumabag sa gun ban na may kinalaman sa 2022 elections.
Base sa datos ng PNP, ay nadagdagan ng 27 ang bilang ng violators, at ang lahat ng mga ito ay pawang mga sibilyan.
Nakumpiska naman ng mga otoridad ang 16 na baril, 40 ammunition, at 10 deadly weapons mula sa mga bagong violators.
Naaresto ang mga nasabing indibidwal sa Quezon, Rizal, Zamboanga del Sur, Leyte, Cebu City, Iloilo, Negros Occidental, Bataan, Cagayan, Sultan Kudarat, Ilocos Sur, Pangasinan, Parañaque, Valenzuela, Malabon, Pasig, Navotas, Manila, at Quezon City.
Pumalo naman sa 42,957 checkpoint operations ang naisagawa ng pulisya mula nang mag-umpisa ang implementasyon ng gun ban noong January 9.
