BNFM Bicol-UMABOT sa 134 ang kabuoang bilang ng mga naitala ng Philippine National Police (PNP) Bicol na mga drug violators sa buong rehiyon nitong nagdaang Hulyo.
Sa bilang na ito, anim ang itinuturing na high-value individuals at 33 naman ang street-level individuals.
Samantala, sa ibinahaging datos ni PNP Spokesperson, Lt. Col. Malu Calubaquib, Camarines Sur ay nakapagtala ng pinakamataas na halaga ng nakumpiskang ipinagbabawal na umabot sa PHP3.8 million; sinundan ng Camarines Norte na may PHP2 million; at Masbate na mayroong PHP958,800. ### KENNETH BERMIL
