Tiniyak ng Manila City Disaster Risk Reduction and Management Office (MDRRMO) na all systems go na ang Pista ng Itim na Nazareno.
Ayon kay MDRRMO Director Ariel Eustacio Angeles, nailatag na nitong mga nakaraang araw ang paghahanda para sa Traslacion ngayong araw.
Dagdag pa ni Angeles, inaasahang ti-triple ang mga debotong mamamanata ngayong taon sapagkat matagal na nilang hindi nasilayan ang Mahal na Poong Nazareno.
Sa kabilang dako, sinabi ni Nazareno 2024 Technical Advisor Alex Irasga na ang pahalik o pagpupugay sa Black Nazarene ngayon ay mas maayos at mas mabilis ang proseso ng pagpila.
