Umabot na sa 159 na mga barangay sa Zambales ang kabilang na sa drug cleared barangay.
Ito ay matapos na pumasa sa mga pamantayan na kailangang sundin para madeklarang klarado na ang isang lugar mula sa ipinagbabawal na droga.
Mula sa 230 baranggay sa lalawigan pumapalo na ito ng halos pitumpong porsyento.
Ayon kay PDEA Zambales Dir. Jigger Juniller, ang natitira na lamang na drug affected barangay sa probinsiya ay pitumput isa na lamang.
Samantala, kapag may naitalang active drug personality ay binibigyan ng tatlumpong araw ang barangay para mapahuli ito o kaya ay maisailalim sa intervention.
Kapag hindi ito nagawa ng barangay ay maaaring mabigyan sila ng Notice for Revocation sa pagiging drug cleared barangay kaya kailangang mamintina ito ng pamunuan.//Jen Bayot-BNFM OLONGAPO
