Sinalakay kagabi ng mga otoridad ang isang leisure park sa Clark, Pampanga.
Ayon sa Presidential Anti-Organized Crime Commission (PAOCC) ang naturang park, na mayroon umanong limang villas, ang pinaniniwalaang ‘rest house’ ng mga bosses ng mga POGO hubs na una na nilang na-raid.
Sa kabila nito, walang nadatnan na ‘big boss’ sa area.
Ang nakita rito ay ilang mga foreign nationals, kabilang ang ilang Chinese, Singaporean, at Malaysian.
Nadiskubre rin ang ilang vaults sa loob.
Gayunman, sinabi ni PNP-CIDG Director PMGen Leo Franciso na mayroon silang nahuling isang Chinese na pinaniniwalaang manager daw sa POGO hub sa Porac, Pampanga.
Sa ngayon, nasa kustodiya na ito ng mga otoridad at daraan sa pagtatanong at imbestigasyon.
