LEGAZPI CITY – Nananatiling nasa ikaanim na puwesto ang Bicol Region sa nagpapatuloy na Palarong Pambansa 2024 sa Cebu City.
Ayon sa Correspont Information Officer ng DepEd Region V Atty Salvador Pelingon, muling nadagdagan pa ng gintong medalya ang Team Bicol Vulcans kung saan mayroon na itong 9 Gold, 8 Silver at 4 bronze sa nasabing Palaro.
Sa tala ng tanggapan na partial and unofficial result ng Palarong Pambansa 2024, nangunguna pa rin sa ranking ang Region 4A o Calabarzon na may 29 Golds, 13 silver, 17 bronze, pumapangalawa ang National Capital Region na may 26, 14 silver, 24 bronze, sumunod naman ang Region 6 o Western Visayas na pararehong may 16 Gold, silver at bronze, Region 7 o Central Visayas hometown ng Palaro 15 golds, 23 silver, 7 bronze, habang ang Bicol ay nasa ikaanim na pwesto sa Palaro.
Sinabi pa ng opisyal, natutuwa umano ito sa kinalalabasan ng resulta, dahil sa ipinapakitang husay at galing sa pakikipaglaban sa nasabing palaro.
