LEGAZPI CITY – Kinumpirmar kan Commission on Elections (COMELEC) Bicol na fully prepared na an rehiyon para sa maabot na 2023 Barangay asin Sangguniang Kabataan Elections (BSKE) sa Oktubre 30.
Sa intrevista kan Brigada News FM Legazpi kay COMELEC Bicol Regional Director Atty. Ma. Juana Valeza, sinabi niya na fully prepared na an saindang ahensya.
Alagad may mga dikit pa sindang pighihiling asin aayuson antes an mismong aldaw nin pirilian siring kan contingency plan katakod kan pag-alburoto kan Bulkang Mayon asin sa decampment.
Huli kaya ta pigbabawal an human activities sa laog kan 6km permanent danger zone, posible na ililipat ninda an voting centers dawa may decampment advisory nang iniluwas.
Mientrastanto, naghahalat na sana man an komisyon sa mismong aldaw kan BSKE asin padagos man nindang piglalaoman an katoninongan sa aldaw na ini.
