Gipaniguro sa kadagkuan sa Police Regional Office-10 nga mapun-an ang unsa man nga mga kakulangon ug mamahimo pa nga matabang sa organisasyon sa nagpadayon nga Bayanihan Bakunahan COVID-19 Vaccination Days.
Sa gihimong pagbisita sa nagkadaiyang vaccination sites, gibutyag ni PNP-10 Regional Director Police Brigadier General Benjamin Acorda nga gawas sa deployment sa ilang pwersa, gitun-an nasab nila karon ang pagtubag sa pipila ka concerns ug issues sa matag vaccination sites.
Subay niini naglaom si Brigadier General Acorda nga makab-ot sa rehiyon ang target nga herd immunity sa katapusan sa tuig o karong Disyembre.
Hangyo sab niini sa mga tawong wala pa nabakunahan nga makighiusa sa gihingusgang programa sa gobyerno batok sa COVID-19.
