LEGAZPI CITY – Nagkondusir an Bureau of Fire and Protection (BFP) Bicol nin Psychosocial Activity para sa mga Mayon evacuess sa banwaan kan Daraga.
Pigkondusir ini partikularmente sa Anislag Evacuation Center sa Bañadero Covered Court, kun sain nagkanta asin nabayle an mga opisyales kan BFP na sinabayan man kan mga evacuees.
Obheto kaining matawan nin kaogmahan an mga evacuees asin makatabang na mahali an stress sa sainda orog na ta haloy na sindang nagtetenir sa pasilidad.
Mientrastanto, presente man digdi an Philippine Red Cross (PRC) na nagtao nin hot meals asin nagsagibo nin manlaen-laeng pakawat.
An aktibidad na ini parte kan pagseselebrar ninda kan saindang ika-32 na anibersaryo na may kamawotang magtaong serbisyo sa publiko asin sa komunidad.
