GIAWHAG sa miyembro sa KaBrigadahan Gensan ang mga residente sa Purok 17-A 39.2, Barangay Fatima nga magpa-miyembro.
Human gisaysay kung paunsa sya natabangan nga mapagaan ang iyang problemang medikal human na-ospital ang anak tungod sa pneumonia.
Matud ni Elizabeth Bangcuyo, residente sa lugar dili lang siya ug iyang anak ang natabangan, natunolan usab og tabang sa mga miyembro ang ilang silingan nga natakboyan og Covid-19 ug usa ka silingan nga namatyan.
“Dili lang akong anak ang natabangan katong na-ospital pagka-miyembro nako sa kabrigadahan, natabangan pud among silingan nga na-Covid-19 tapos nakadawat sila og fund raising sa hospitalization ug katong silingan namo nga namatyan,” saysay ni Bangcuyo.
Giklaro ni Bangcuyo, ang pagtinabangay sa katawhan sa panahon sa panginahanglan ang gitudlo sa KaBrigadahan ngadto kanila.
Gibutyag usab ni Brigada Elmer Catulpos, bitbiton niya ang maayong pang-gobyerno nga motuhop sa panginahanglan sa matag-usa nga naa sa komunidad.
Ang pagsaysay ni Bangcuyo ang atol sa pagdawat ni Catulpos ug sa pamilyang Achievement with Integrity Movement (AIM) sa imbitasyon sa mga residente sa Purok 17-A 39.2, Barangay Fatima ning dakbayan.
