PAGPASA-PASA kung mangayo og tabang ug pagpanalipod sa kaugalingong interes sa naglingkod nga opisyal sa Gensan. Kini ang gikadismaya sa daghang residente sa GenSan.
Matud ni Rommel Balandan, 34-anyos, minyo ug 11 katuig nga vendor, kung dili ipasa-ipasa sa mga anaa sa city hall sa ilang pagpangayo og tabang sa ospital bill, langay ang pagdeliber sa serbisyo.
“Wala nako na-feel ang pang-gobyerno diri, dili sila motabang. Ipasa pasa ka, asoy ni Balandan.
Panahon na nga dunay bagong mga opsiyales sa city hall nga maglantaw sa kaayuhan sa mga residente, matud niini.
Sa bahin ni Jaybee Lagarisa, amahan ug taga Purok 17-A, 39-2 Barangay Fatima gibutyag niini nga gigamit lang sa mga nagdumala sa syudad ang posisyon sa gobyerno alang sa kaugalingong interes.
“Ginahimo karon sa atoang siyudad nga mismo ang siyudad karon daghan kaayo siya gipangkuha nga mga yuta, mismong iyang posisyon gigamit ang iyang posisyon para maka-bira siya og mga kabtangan, sama sa mga building niya karon asa mana niya ipangtarok nga say uta man sa gobyerno,” pamahayag ni Lagarisa.
Naglaom ang duha ka amahan nga makabaton na og kabag-ohan sa pagdumala ang siyudad bag-ong lider nga dunay matinud-anong tumong alang sa ikaayo sa katawhan dili sa pipila lang.
AIM ang among ibotar sa pagpanguna ni Elmer Catulpos, ang ama ng masa, dugang niini.
