CAMARINES NORTE- Muling nakapagtala ang Department of Health ng dalawang panibagong kaso ng COVID-19 sa Camarines Norte
Ang panibagong kaso ay naitala mula sa bayan ng Labo at Sta. Elena dahilan upang umakyat sa 94 ang aktibong kaso ng sakit
Sa Case Bulletin ng DOH Bicol na ipinalabas kahapon, umabot na sa 413 ang kabuuang kaso ng COVID-19 sa lalawigan mula pa noong Marso 2020.
Nananatili sa 297 ang bilang ng mga pasyente na nakarekober matapos nga na maitala ang record high nitong Martes na may recovery rate na 71.91%
Habang 22 ang bilang ng mga nasawi na sa sakit
Sa nakaraang operational period briefing ng Camarines Norte IMT, patuloy pa ring umaapela si Atty Don Culvera, Provincial Legal Office/ Unified Incident Commander sa publiko na panatilihin ang pagsunod sa minimum health protocols upang maipagpatuloy ang pagtaas ng bilang ng mga nakakarekober sa sakit
Habang ayon naman kay Acting PHO Dr. Arnel Francisco, nagpapatuloy sa ngayon ang pagbabakuna sa mga nasa A2 at A3 categories ng prioritization ng vaccination roll-out sa 12 bayan ng Camarines Norte
