Patay human nadisgrasya ang usa ka Arcie Beryong pasado alas 9:20 sa gabii sa National Road sa Barangay Lawigan, Mati City.
Base sa imbestigasyon, gikan sa Barangay Lawigan ang biktima ug padulong unta kini sa Batiano aron pagkuha og sud-an sakay sa iyang motor nga walay suga rason nga flashlight lang ang iyang gigamit.
Apan pag-abot niini sa may Lawigan National High School dapit sa waiting shed, gikasungag niini ang Bao-bao nga gidrayban sa usa ka Loyloy Dapitanon, nga taga Brgy. Lawigan, sa Mati City.
Dali pang gitabang ug gidala sa ospital si Beryong apan gideklara kining dead on arrival sa attending physician.
