Homan sa pipila ka barangay diin nagpahigayon ug BARANGAYanihan ang Kapolisan dinhi sa dakbayan San Carlos Negros Occidental, kaganihang buntag mga kargador na usab sa Public Transport Terminal ang ilang nahimong benepisyaryo niini.
Sa pagpangulo ni PSSgt Ma Felomina Flores sa San Carlos PNP uban ang RMFB6 , 21 ka mga kargador ang nakahimulos sa mga essential goods nga gilangkuban sa bugas,noodles, de lata, softdrinks ug uban pa nga ilang gihatag pinaagi sa mobile pantry.
Nasayran nga sa nahimo nila kining barangayanihan sa inisyatiba sa ilang mga personnel ug sa tabang usab sa mga donasyon sa pribadong indibidwal.
Niaging mga adlaw nag-apod-apod usab sila ngadto sa mga residente sa pipila na ka mga barangay ug bisan paman sa mga mamumuo nga maabtan sa kadalanan.
