SORSOGON CITY – Tatanggap ng tulong pinansyal mula sa ODESFA o Office of the Deputy Executive Secretary for Finance and Administration ang lahat ng opisyal ng barangay sa lungsod.
Nakatakdang tanggapin sa araw ng Lunes ng mga opisyal ng barangay mula sa East District ang tulong pinansyal na nagkakahalaga ng P3,000.00.
Ang nasabing asistensya na inirelease ng City Treasury ay mula sa Socio-Civic Project ng ODESFA kung saan benipisyaryo nito ang mga Barangay Officials sa buong lalawigan.
Sa Disyembre 14 naman ay nakaeskedyul ang pamamahagi ng nasabing halaga sa mga opisyal mula sa West District.
Matatandaan na noong araw ng Biyernes ay nauna nang nabigyan ng nasabing tulong ang mga barangay official mula sa distrito ng Bacon.
PHOTO: PIO Sorsogon City
