DILI na tugutan sa City government ug sa Brgy Calumpang pinaagi ni Kapitan Ryan Dupalco nga makabalik sailang pinuy-anan ang 591 ka pamilya nga nasunugan. Tungod basi sa record sa City Housing and Land Management Office, titulado ang Purok Saeg, Brgy Calumpang kung asa nahitabo ang sunog, ug gipailawom na sa state of calamity ang nahisgotan nga lugar.
Giplanohan na sa mga opisyal sa barangay kauban ang lokal nga panggamhanan sa dakbayan ang pagpalit og luna sa kapin 1,169 ka tao nga naapektuhan. Aduna nay pipila ka ahensya sa gobyerno sama sa Department of Social Welfare and Development Office (DSWD), Department of Health (DOH), DOLE ug uban pa ang naghatod og pagkaon, tambal, ug pinansyal nga hinabang alang sa mga residente sa lugar.
Kasamtangang misilong sa Romana Elementary School Calumpang ang nasangpit nga mga pamilya. ( Enamie Mogpon)
